####################################################
MUKTABODHA INDOLOGICAL RESEARCH INSTITUTE
Use of this material (e-texts) is covered by Creative Commons license BY-NC 4.0
Catalog number: M00210
Uniform title: śivadharma nandiprokta
Manuscript : IFP/EFEO 72 pages 1 - 24 copied from Adyar Library Madras.  ms. no.: 75429

Description: 
E-text copied from pages 1o-24 of IFP/EFEO transcript 72 which itself was a copy of Adyar Library Madras Ms. 75429


Notes: 
Data entered by the staff of Muktabodha under the supervision of Mark S.G. Dyczkowski.


Revision 0: April 5, 2010

Internet publisher : Muktabodha Indological Research InstituteWeb publisher Muktabodha
Publication year : 2010
Publication city : 
Publication country : United States
####################################################




प्. १

श्रीः

* * * * ||

शिवोगुरुश्शिवो देवः शिवोव * * * * णाम् |
शिव आत्मा शि * * * * * * * * * * * || १-१ ||

* * * * * * * * * * * * * * * * |
विचित्रं विश्वनिर्माणम् विचित्रं शिवचेष्टितम् || १-२ ||

विचित्रं शिवमाहात्म्यम् विचित्र * * * * * |
* * * * * * * * * * तं पापनाशनम् || १-३ ||

स्वर्गापवर्गयोस्सद्यः साधनन्तद्ब्रवीम्यहम् |
मेरुपृष्ठेसमा * * * * * * * * * * || १-४ ||

* * * * * * शान्तं सर्वज्ञं नन्दिकेश्वरम् |
सनत्कुमारः पप्रच्छ शिवधर्मान्यथाक्रमम् || १-५ ||

श्रीनन्दिकेश्वरः * * * * * * * * * * |
* * * * * * * * सुखोपायम्महत्फलम् || १-६ ||

परमं सर्वधर्माणां शिवधर्मं शिवात्मकम् |
शिवेन कथितं पूर्वं पार्वत्याष्षण्मुखस्य च || १-७ ||

गणानान्देवमुख्यानामस्माकञ्च विशेषतः |
संसारार्णवमग्नानां सर्वेषां प्राणिनामयम् || १-८ ||

शिवधर्मोडुपः श्रीमानुत्तारार्थमुदाहृतः |

प्. २) 

यैरयं शान्त चेतस्कैः शिवभक्तैश्शिवार्थिभिः || १-९ ||

संसेव्यते परो धर्मस्ते रुद्रा नात्र संशयः |
ग्रामे वा यदि वारण्ये जले वापि स्थलेऽपि वा || १-१० ||

यत्रैव विद्यते लिङ्गं सर्वतीर्थानि तत्र वै |
एककालं द्विकालं वा त्रिकालं नित्यमेव वा || १-११ ||

ये स्मरन्ति विरूपाक्षं विज्ञेयास्ते गणेश्वराः |
कीर्तयिष्यन्ति ये रुद्रं सकृदप्याशु ते नराः || १-१२ ||

सर्वपापैः प्रमुच्यन्ते सप्तजन्मकृतैरपि |
जातेनात्मद्रुहा येन नार्चितो भगवान् शिवः || १-१३ ||

सुचिरं सञ्चरत्यस्मिन् संसारे दुःखसागरे |
सा * * * * * * * * * * स्साम्यमूकता || १-१४ ||

यत्क्षणं वा मुहूर्तं वा शिवमेकन्न चिन्तयेत् |
दुर्लभं प्राप्य मानुष्य * * * * * * * * || १-१५ ||

तेषां हि सफलं जन्म कृतार्थास्ते नरोत्तमाः |
भवभक्तिपरा ये तु भवप्रणतचेतसः || १-१६ ||

* * * * * * * * * ते दुःखस्य भाजनम् |
भवना * * * * * * * * * * * * || १-१७ ||

* * * * * * * नञ्चादृष्टपर्यन्तं शिव |
* * * * * * भोगान् राज्यं च त्रिदशालये || १-१८ ||

तेर्चयन्ति सदाकालं हरस्य चरणांबुजम् |

प्. ३) 

सौभाग्यं कान्ति * * * * * * * * * * * || १-१९ ||

शौर्यञ्च जगतिख्यातिः शिवमर्चयतो भवेत् |
नारुद्रस्संस्मरेद्रुद्रन्नारुद्रो रुद्रमर्चयेत् || १-२० ||

नारु * * * * * * * * * * * माप्नुयात् |
संपर्कात्कौतुकाल्लोभात् भयाद्वापि च संस्मरेत् || १-२१ ||

कीर्तयेदर्चयेद्वापि सोप्यप * * * * * |
शिवधर्मस्य सारोयं शिवे भक्तिस्सुनिश्चला || १-२२ ||

सा चाष्टांगी शिवेनोक्ता कार्या नित्यं प्रयत्नतः |
मद्भक्तजनवात्सल्य * पूज * * ञ्चानुमोदनम् || १-२३ ||

स्वयमभ्यर्चनं भक्त्या ममार्थे चाङ्गचेष्टनम् |
मत्कथा श्रवणे भक्तिस्वरनेत्राङ्गविक्रिया || १-२४ ||

ममानुस्मरणन्नित्यं यश्चमाञ्चोपजीवति |
भक्तिरष्टविधाह्येषा यस्मिन् म्लेच्छेपि वर्तते || १-२५ ||

स विप्रेन्द्रो ज्वलः श्रीमान् सयतिस्सच पण्डितः |
न मे प्रियश्चतुर्वेदी मद्भक्तश्वपचोऽपि च || १-२६ ||

तस्मै देयन्ततो ग्राह्यं स च पूज्यो यथाह्यहम् |
पत्रं पुष्पं फलन्तोयं यो मे भक्त्या प्रयच्छति || १-२७ ||

तस्याहं न प्रणश्यामि स च मे न प्रणश्यति |
यो मान्न सर्वगं पश्येत् सर्वन्नमयि संस्थितम् || १-२८ ||

प्. ४)

समां पर्वतदुर्गेषु मार्गमाणो न पश्यति |
यो मां सर्वगतं पश्येत् सर्वञ्च मयि संस्थितम् || १-२९ ||

तस्याहन्नित्यमात्मस्थः स च नित्यम्मयिस्थितः |

इति ||

दुर्लभा च शिवे भक्तिः दुर्लभञ्च शिवार्चनम् || १-३० ||

सुदुर्लभं शिवे दानं शिवहोमञ्च दुर्लभम् |
सुदुर्लभं शिवज्ञानं तदभ्यासोऽपि दुर्लभः || १-३१ ||

सुदुर्लभतरं ज्ञेयं जपध्यानं शिवात्मकम् |
सुदुर्लभमिदं ज्ञात्वा शिवेभक्तिं समाश्रयेत् || १-३२ ||

लाभस्तेषाम्मनुष्याणा * * * * * * * * |
षान्दिवा च रात्रौ च नित्यं शिवगता स्मृतिः || १-३३ ||

नमस्कारादिसंयुक्तं शिवायेत्यक्षरत्रयम् |
जिह्वाग्रे * * * * * * * * * * * * || १-१३४ ||

* * * * * * सेन शिवधर्मोखिलः क्रमात् |
प्रोक्तः प्राथमिकाध्याये शिवधर्मे य ईरितः || १-३५ ||

य इदं पठते नि * * * * * * * * * |
* * * * * * * * * * लोके महीयते || १-३६ ||

धनमायुर्यशो विद्यां प्रभावमतुलं लभेत् |
कैलासे शिवसान्निध्ये * * * * * * * * || १-३७ ||

* * * * * * * * * * श्रीनन्दिकेश्वरः |

प्. ५) 

त्वमतीवशिवे भक्तः पद्मयोनिसुतोत्तम || १-३८ ||

तेन ते निखिलं वक्ष्ये शृणुष्वैकाग्रमानसः |
पूर्वमेकार्णवे घोरे नष्टे स्थावरजंगमे || १-३९ ||

विवादस्सुमहानासीत् ब्रह्मविष्ण्वोः परस्परम् |
अहं कर्ता त्वहं कर्ता नमत्तोन्यो जगत्पतिः || १-४० ||

एवमाह हरिं ब्रह्मा ब्रह्माणञ्च हरिस्तथा |
तयोर्दर्पापहाराय प्रबोधार्थञ्च देवयोः || १-४१ ||

मध्ये समुद्गतं लिङ्गमैश्वरन्तेजसः परम् |
ज्वालामालामयन्दिव्यमप्रमेयमनूपमम् || १-४२ ||

योजनायुतविस्तीर्णं स्थितं तद्विमलेम्भसि |
क्षयवृद्धिविनिर्मुक्तमादिमध्यान्तवर्जितम् || १-४३ ||

ज्वालाभिर्मोहितौ तस्य लिङ्गस्य सुरसत्तमौ |
तदा विस्मयमापन्नौ पश्यन्तावमराधिपौ || १-४४ ||

गतावूर्ध्वमधस्तस्य संप्रधार्य परस्परम् |
अधो द्रष्टुं गतो विष्णुः ऊर्ध्वञ्चैव पितामहः || १-४५ ||

अपश्यन्तावधश्चोर्ध्वन्तौ समेत्य परस्परम् |
कृताञ्जलिपुटौ भूत्वा लिङ्गन्तुष्टुवतुस्तदा || १-४६ ||

नमस्ते ज्ञानलिङ्गाय शिवलिङ्गाय लिङ्गिने |
नमस्ते गूढलिङ्गाय परलिङ्गाय भामिने || १-४७ ||

नमस्ते ज्योतिलिङ्गाय वेदलिङ्गाय वेधसे |

प्. ६)

नमस्ते सूक्ष्मलिङ्गाय बुद्धिलिङ्गाय बुद्धये || १-४८ ||

नमः पर्वतलिङ्गाय भावलिङ्गाय ते नमः |
जगत्कारणलिङ्गाय जगतां पतये नमः || १-४९ ||

आवयोः पतये चैव पतीनां पतये नमः |
एवं स्तुत्वा महादेवं प्रणम्य शिरसा च तौ || १-५० ||

ब्रह्मविष्णूसमापन्नौ भक्त्या परमया युतौ |
लिङ्गमध्ये परम्मध्यं स्थितं प्रादेशसम्मितम् || १-५१ ||

समाधिस्तोत्रसंपन्नौ दृष्टवन्तौ शिवात्मकम् |
नैतच्च काञ्चनं रौप्यं ताम्रं स्फटिकमौक्तिकम् || १-५२ ||

लक्ष्यमात्रस्थितं शान्तं केवलन्तच्छिवात्मकम् |
तयोस्तुष्टो महादेवः प्रदाय वरमुत्तमम् || १-५३ ||

कारणत्वमनुज्ञाय तत्रौवा * * * * * |
* * * * * ब्रह्माद्यैः प्रतिष्ठाप्य सुरासुराः || १-५४ ||

तल्लिङ्गानुकृतिं लिङ्गमीडिरे मुनयस्तदा |
परं गूढशरीरञ्च लिङ्गक्षेत्र * * * * || १-५५ ||

* * * * * रन्तेजः तल्लिङ्गं पञ्चसज्ञकम् |
कल्पान्ते तस्य लिङ्गस्य लीयन्ते सर्वदेवताः || १-५६ ||

दक्षिणे लीयते ब्रह्मा वामतश्च * * * * |
* * * * व गायत्री सर्ववेदोत्तमोत्तमा || १-५७ ||

लीयते मूर्ध्नि वै वेदाः सषसङ्गपदक्रमाः |

प्. ७) 

जठरे लीयते सर्वं जगत् * * * * * * || १-५८ ||

* * * * द्यते तस्मात् ब्रह्माद्यं स चराचरम् |
स्थापितं तेन सर्वं स्यात् पूजितञ्च न संशयः || १-५९ ||

पूर्वं लिङ्गं सम * * * * * * * चक्र तुः |
ब्रह्मा ब्रह्माक्षरैर्दिव्यैः लिङ्गं पूजयते सदा || १-६० ||

गन्धपुष्पादिभिर्नित्यं विष्णुः पूजय * * * |
* * * * * ते नित्यं लिङ्गं शैलमयं शुभम् || १-६१ ||

तस्य संपूजनात्तेन प्राप्तं ब्रह्मत्वमुत्तमम् |
शक्रोपि देवराजेन्द्रो * * * * * * * * || १-६२ ||

* त्तया पूजयते नित्यं तेन शक्रत्वमाप्तवान् |
लिङ्गं हैममयं कान्तं धनदोर्च्चयते सदा || १-६३ ||

तेनासौ धन * * * * * * * * * प्तवान् |
विश्वेदेवा महात्मानो रौप्यं लिङ्गं मनोहरम् || १-६४ ||

यजन्ते विधिवद्भक्त्या तेन विश्वत्व * * * |
* * पूजयते भक्त्या लिङ्गं पित्तलसंभवम् || १-६५ ||

वायुत्वन्तेन संप्राप्तं अनौपम्यगुणावहम् |
इन्द्रनीलमयं लिङ्गं विष्णुः पूजयते सदा || १-६६ ||

विष्णुत्वं प्राप्तवांस्तेन सोत्भुतैकं सनातनम् |

प्. ८)

वसवः कांसिकं लिङ्गं पूजयन्ति विधानतः || १-६७ ||

प्राप्तास्तेन महात्मानो वसुत्वं च महोदयम् |
अश्विनौ  पार्थिवं लिङ्गं पूजयन्तौ विधानतः || १-६८ ||

तेन तावश्विनौ देवौ दिव्यं देहं गतावुभौ |
स्फाटिकं निर्मलं लिङ्गं वरुणोर्चयते सदा || १-६९ ||

तेन तद्वरुणत्वं हि प्राप्तमृध्या समन्वितम् |
लिङ्गमन्नमयं पुण्यं अग्निरभ्यर्च्य भावितः || १-७० ||

मुक्ताफलमयं लिङ्गं सोमः पूजयते सदा |
तेन सोमोऽपि संप्राप्तः सोमत्वं सततोज्वलम् || १-७१ ||

प्रवालकमयं लिङ्गं यजन्ते पन्नगोत्तमाः |
तेन नागेषु भोगाढ्याः प्राप्तास्ते परमं पदम् || १-७२ ||

कृष्णाय समयं लिङ्गं पूजयन्त्यसुरोत्तमाः |
राक्षसाश्च महात्मानः तेन तेमित विक्रमाः || १-७३ ||

त्रपुसीसमयं लिङ्गं पिशाचाः पूजयन्ति ते |
महर्धबलधामानः प्राप्नुवन्ति परं पदम् || १-७४ ||

(कृष्णायसमयं लिङ्गं) 
त्रैलोहिकमयं लिङ्गं यजन्ते गृह्यकोत्तमाः |
तेन योगबलोपेताः प्रयान्तीश्वरमन्दिरम् || १-७५ ||

(पदे पदान्तरं गत्वा हस्तौ चलनवर्जितौ |
वाचास्तोत्रं मनोध्यानञ्चतुरंगं प्रदक्षिणम् ||

प्. ९) 

उरसा शिरसा भक्त्या मनसा च धिया दृशा |
पद्भ्यां भुजाभ्यां वाचा च प्रणामोष्टाङ्गमुच्यते ||)

बहुलोहमयं लिङ्गं यजन्ते मातरस्सदा |
मातृत्वं प्राप्यतास्सर्वाः प्रयान्ति परमं पदम् || १-७६ ||

एवं देवास्सगन्धर्वाः स यक्षोरगराक्षसाः |
पूजयन्ति सदाकालं ईशानं सुरनायकम् || १-७७ ||

सर्वो लिङ्गमयो लोकः सर्वं लिङ्गे प्रतिष्ठितम् |
तस्मात् संपूजयेल्लिङ्गं यदीच्छेत्सिद्धिमात्मनः || १-७८ ||

इति शिवधर्मे द्वितीयोध्यायः ||




प्. १०)

श्रीः

अथ तृतीयोध्यायः

लिङ्गे देवो महादेवः साक्षादेव व्यवस्थितः |
अनुग्रहाय लोकानां तस्माल्लिङ्गं समर्च्चयेत् || २-१ ||

यो न पूजयते मोहात् लिङ्गं त्रिभुवनेश्वरम् |
न च स्वर्गस्य मोक्षस्य न च राज्यस्य भाजनम् || २-२ ||

यस्तु पूजयते नित्यं लिङ्गं त्रिभुवनेश्वरम् |
स स्वर्गमोक्षराज्यानां क्षिप्रं भवति भाजनम् || २-३ ||

तस्मादेकमना भूत्वा यावज्जीवं प्रतिज्ञया |
अर्चयेत महादेवमापन्नोऽपि सदा बुधः || २-४ ||

वरं प्राणपरित्यागः छेदनं शिरसोऽपि वा |
नत्वनभ्यर्च्य भुञ्जीयात् भगवन्तन्त्रिलोचनम् || २-५ ||

एवन्निर्वहते यस्तु यावज्जीवं(यं) प्रतिज्ञया |
मनुष्यचर्मणा बद्धः सरुद्रो नात्र संशयः || २-६ ||

नास्ति लिङ्गार्चनात्पुण्यम् अन्यदप्यधिकं क्वचित् |
इति विज्ञाय यत्नेन पूजनीयः सदाशिवः || २-७ ||

मया लिङ्गं द्वेष्टिसम्मोहात् सर्वदेवनमस्कृतम् |
नरो नरकगामी स्यात् तस्य संभाषणादपि || २-८ ||

प्. ११) 

महेश्वरमयं सर्वं त्रैलोक्यं सचराचरम् |
ते कृतघ्ना भवन्तीह येन भक्ता महेश्वरे || २-९ ||

सागराणां क्षयोप्यस्ति क्षीयते हिमवानपि |
रुद्रलोके क्षयो नास्ति शंकरे शरणं गते || २-१० ||

एष्टव्या बहवः पुत्राः शिवतन्त्रानुसारिणः |
समुद्धरन्ति ते गोत्रं रज्जुः कूपात् घटं यथा || २-११ ||

लिङ्गद्वयं समाख्यातं चरञ्चाचरमेव च |
चरं प्रतीति विख्यातं अचरं पार्थिवात्मकम् || २-१२ ||

चरे सदा वसत्येव प्रातियुक्तो महेश्वरः |
अचरे मन्त्रसंस्कारात् वसत्येव सदाशिवः || २-१३ ||

स्थावरं जङ्गमं चैव द्विविधं लिङ्गमुच्यते |
जङ्गमस्यावमानेन स्थावरं निष्फलं भवेत् || २-१४ ||

लिङ्गमित्थं प्रतिष्ठाप्य तस्मिन् ध्यायेत् सदाशिवम् |

ध्यानम् 

तस्येदमैश्वरं रूपं खण्डचन्द्रावतंसकम् || २-१५ ||

तमालश्यामलगलं स्फुरत्फालविलोचनम् |
लसद्वामांग नारीकं कृतशेषशुभाङ्गदम् || २-१६ ||

गङ्गातरङ्गसत्सङ्ग सदाधौतजटाधरम् |
सुराङ्गजरजः पुञ्ज पूजितावयवोज्वलम् || २-१७ ||

विचित्रगात्रविधृतं महाव्यालविभूषणम् |

प्. १२)

महोक्षस्यन्दनगतं विधृताजगवायुधम् || २-१८ ||

गजाजिनोत्तरासङ्गं दशार्धवदनं गुहम् |
* त्रासितमहामृत्युं महाबलगणावृतम् || २-१९ ||

शरणार्थीकृतत्राणं नतनिर्वाणकारणम् |
मनोरथपथाथीतं वरदानपरायणम् || २-२० ||

इति ध्यात्वा महादेवं अन्तर्यागं समाचरेत् |
तत्र द्रव्याणिमनसा कल्पयित्वा विशोध्य च || २-२१ ||

ध्यात्वा विनायकं देवं पूजयित्वा विधानतः |
दक्षिणे चोत्तरे चैव नन्दीशं सुयशान्तथा || २-२२ ||

आराध्य मनसा सम्यगासनं कल्पयेत्ततः |
तस्योपरि शिवं ध्यायेत् साम्बं सर्वमनोहरम् || २-२३ ||

सर्वलक्षणसंयुक्तं सर्वावयवशोभिनम् |
सर्वातिशयसंयुक्तं सर्वाभरणभूषितम् || २-२४ ||

रक्तास्यपाणिचरणं कुन्दमन्दस्मिताननम् |
शुद्धस्फटिकसंकाशं फुल्लपद्मत्रिलोचनम् || २-२५ ||

चतुर्भुजमुदाराङ्गं चारुचन्द्रकलाधरम् |
वरदाभयहस्तं च मृगटंकधरं हरम् || २-२६ ||

सर्वकल्याणनिलयं चारुनीलगलान्तरम् |
सर्वोपमानरहितं सानुगं सपरिच्छदम् || २-२७ ||

ततस्सञ्चिन्तयेत्तस्य वामभागे महेश्वरीम् |

प्. १३) 

प्रफुल्लोत्फलपत्राभविस्तीर्णायतलोचनाम् || २-२८ ||

पूर्णचन्द्राभवदनां नीलकुन्तलमूर्धजाम् |
नीलोत्पलदलप्रख्यां चन्द्रार्धकृतशेखराम् || २-२९ ||

अतिवृत्तघनोत्तुङ्गस्निग्धपीनपयोधराम् |
तनुमध्यां पृथुश्रोणीं पीतसूक्ष्मतराम्बराम् || २-३० ||

सर्वाभरणसंपन्नां ललाटतिलकोज्वलाम् |
विचित्रपुष्पसङ्कीर्णकेशपाशोपशोभिताम् || २-३१ ||

सर्वतोनुगुणाकारां किञ्चिल्लज्जानताननाम् |
हेमारविन्दं विकसत् दधानां दक्षिणे करे || २-३२ ||

दण्डवच्चापर(न्त्य)म् हस्तन्यस्यासीनां सहासने |
एवं देवं च देवीं च ध्यायेत्सनवरे शुभे || २-३३ ||

सर्वोपचारवद्भक्त्या भावपुष्पैस्समर्चयेत् |
ध्यात्वा वाह्यक्रमेणैव पूजान्निर्वर्तयेद्धिया || २-३४ ||

समिदाज्यादिभिः पश्चात् नाभौ होमं च भावयेत् |
भ्रूमध्ये च शिवं ध्यायेत् शुद्धदीपशिखाकृतिम् || २-३५ ||

अथ चिन्तामयं सर्वं समाप्याराधनक्रमम् |
लिङ्गे च पूजयेद्देवं सर्वदेवशिखामणिम् || २-३६ ||

केचिद्विश्वेश्वरं देवं केचिद्धालास्य संज्ञितम् |
केचिच्छ्रीसोमनाथाख्यं केचित्केदारमद्भुतम् || २-३७ ||

केचिच्छ्रीपर्वतं मुख्यं केचिद्गोपर्वतन्नराः |
केचिद्दक्षिणकैलासं केचिद्वृद्धा चलाभिधम् || २-३८ ||

प्. १४) 

केचिद् रामेश्वरं पुण्यं वेदकान्तारमद्भुतम् |
(प्राप्यपूर्वोक्तमार्गेण) प्राप्य पूर्वोक्तमार्गेण पूजयित्वा 
द्विजोत्तमाः || २-३९ ||

अनायासेन संसारात् विमुक्ता भवबन्धनात् |
किमत्र बहुनोक्तेन श्रूयतां मुनिपुङ्गवाः || २-४० ||

पूजयध्वं महादेवं भुक्तिमुक्तिफलप्रदम् |
पूजिते देवदेवेशे पुराणे सर्व * * णे || २-४१ ||

पूजितास्सर्वदेवाश्च इति वेदान्तनिर्णयः || २-४० ||

अस्य पूर्वमुखं सौम्यं बालार्कसदृशप्रभम् |
त्रिलोचनारविन्दाढ्यं कृतबालेन्दुशेखरम् || २-४१ ||

दक्षिणन्नीलजीमूतसमानरुचिरप्रभम् |
भ्रुकुटीकुटिलं घोरं रक्तवृत्तेक्षणत्रयम् || २-४२ ||

दंष्ट्राकरालन्दुर्धर्षं स्फुरिताधरपल्लवम् |
इन्दुरेखाकृतोत्तंसमूर्ध्वज्वलितमूर्धजम् || २-४३ ||

उत्तरं विक्रमप्रख्यं नीलालकविभूषितम् |
सविलासं त्रिणयनञ्चान्द्राभरणभास्वरम् || २-४४ ||

पश्चिमं पूर्णचन्द्राभं लोचनत्रितयोज्वलम् |
चन्द्ररेखाधरं सोम्यं मन्दस्मितमनोहरम् || २-४५ ||

पश्चिमं स्फाटिकप्रख्यं इन्दुरेखासमुज्वलम् |
अतीव सोम्यमुत्फुल्ललोचनत्रितयोज्वलम् || २-४६ ||

इति शिवधर्मे तृतीयोध्यायः ||




प्. १५)

श्रीः

अथ चतुर्थोध्यायः

रुद्राक्षवृक्षास्तपनाक्षिजाताः 
ते द्वादशास्याः कपिलाप्रभेदैः |
चन्द्राक्षिजाः षोडशशुभ्रवर्णाः
कृष्ण * * दशस्युः ज्वलनाक्षिजाताः || ३-१ ||

ब्राह्मं सितं कापिलवर्णयुक्तं
क्षात्रं तु वैश्यं ह्युभयात्मकं तत् |
कृष्णं तु शूद्रं कथयन्ति बीजं
रुद्राक्षबीजप्रभवन्तु जात्या || ३-२ ||

एकाननं शङ्कर एव साक्षात् 
रुद्राक्षबीजं विनिहन्ति हत्याम् |
द्विवक्त्रबीजं बहुगोवधघ्नं
देवेशदैवत्यमलभ्यमक्ष्णाम् || ३-३ ||

आग्नेयमुक्तं वदनत्रयन्तु
योषिद्वधघ्नं दधतां क्षणेन |
चतुर्मुखं यच्चतुराननीयं 
नरस्य हत्यां क्षणतो निहन्ति || ३-४ ||

प्. १६)

कालाग्नि * * ण तु पञ्चवक्त्रं
भक्ष्यदुस्सङ्गगपातकघ्नम् |
स्कान्दं हि यत् षड्वदनं करेण
नरेण धार्य द्विजहन्तृ मध्ये || ३-५ ||

सप्ताननं भोगिपतिह्यनन्तत्
स्तेयाद्विशुद्धिं विदधाति सद्यः |
वैनायकं ह्यष्टमुखं सुवर्णं
कूटं गुरुस्त्रीगमनाद्यघघ्नम् || ३-६ ||

तवाननं भैरव एव देवो
भुक्तिं च मुक्तिं शिवतुल्यकीर्तिम् |
करोति वामेन करेण धार्यं
हत्यायुतानां विनिहन्तिकोटिम् || ३-७ ||

हरिस्स्वयं यद्दशवक्त्रबीजं
पिशाच भूतग्रहराक्षसाश्च |
वेताल सर्पप्रतियोधिसिह्म 
व्यादिकांस्तांश्च निहन्ति शीघ्रम् || ३-८ ||

एकादशास्यं दशचैकरौद्रं
धार्यं शिखायां विधिनानवद्ये |
नराश्वमेधायुतवाजपेय-
सहस्रगोदानसहस्रतुल्यम् || ३-९ ||

प्. १७)

यद्वक्त्राणि दशद्वयेन कथितं तद्भास्करीयं स्मृतं कण्ठस्थं 
रवितुष्टि कृद्धयमखैस्सम्यक्तपुण्यैस्समम् हस्त्यश्व श्व 
सृगालमूषिकखगक्लीबान्धनारीमृगव्यालश्शुकभेकसर्पमहिष-
व्याधातदोषापहम् || ३-१० ||

यद्वक्त्राणि दशद्वयञ्च न लभेत् तत्कार्तिकेयं स्मृतं 
सर्वं सिद्ध्यति भोगभोग्यमखिलं सिद्ध्येत् तत् पादुका |
इष्टार्थाश्चरसारसाधनमथ भ्रूणार्यमाता 
पितृभ्रातृस्त्री वसतो विशुद्ध्यति दधन्नास्मात् परं विद्यते || ३-११ ||

रुद्राक्षमेकं शिखयापि धार्यं 
षट्त्रिंशमालाविदधीतमूर्ध्नि |
द्वात्रिंशकैः कर्णयुगे च साध्या
शतार्धकॢप्ता हृदयेक्षमाला || ३-१२ ||

कण्ठे धृता येन सदाक्षमाला
जप्त्वाप्नुयाद्यज्ञसहस्रपुण्यम् |
श्वेतं रक्तमथापि पीतमसितं विप्रादिकानां स्मृतं
रुद्राक्षन्नलभेद्यथा गतमिदन्धार्यं शिखायां करे || ३-१३ ||

कण्ठे कर्णयुगोपवीतहृदयेष्वाबध्यरौप्यादिभिः
पञ्चार्णप्रणवात्मकाख्यमनुभिः कोवानवद्ये भवेत् |
स्नाने वा जपहोमयोर्व्रतविधौ देवार्चनादानयोः 
दीक्षाश्राद्धकयोः कृतौभसभसितो रुद्राक्षमालाधरः ||

कुर्यात्कर्म च वै कञ्च सकलं स्यादक्षयं यत्फलं

प्. १८) 

नो चेद्व्यर्थमिदं भवत्ययमहो पापो नवद्ये ध्रुवम् |
केचित् सूतकशाव * * * मलोत्सर्गे च सङ्गे स्त्रियः 
शुद्धावक्षकमालिकान्न दधते त्यायुः क्षयस्यादिति || ३-१५ ||

अन्ये पापहरं सदा धृतमिति प्रोच्यं भुजे कर्णयोः
अक्षं मन्त्रपुरस्सरं तु महती माला न धार्या शुचौ |
पापिष्ठोपि नरोक्षमेकमपि वा धत्ते स शुद्धो भवेत् 
कुर्वन्वापि न लिप्यते ह्यनुचिते तत्तन्मुखाक्षोदितैः || ३-१६ ||

पुश्छं योज्य मुखं मुखेन सदृशं मुक्ताप्रवालान्तरैः
सौवर्णैर्मणिभिर्दधन्मखफलं मर्त्यो नवद्यो भवेत् |
रुद्राक्षं वपुषा दधन्यदि मृतश्वानोऽपि मुक्तो भवेत् |
खादन्नन्त्यमुहूर्तके शिवपुरं गच्छेत् स नो जायते || ३-१७ ||

किन्नूक्तैर्बहुभिस्समन्त्रकमिदं स्वाङ्गे सदाधारकः
संसारन्नपुनः प्रयाति मनुजो वक्ष्ये नवद्ये तव |
बध्वास्वर्णेन रुद्राक्षं रजते नाथ वा मुने |
शिखायां धारयेन्नित्यं कर्णयोर्वा समाहितः || ३-१८ ||

यज्ञोपवीते हस्ते वा कण्ठदेशेथवा नरः |
श्रीमत्पञ्चाक्षरेणैव प्रणवेनैव वाथवा || ३-१९ ||

आत्ममन्त्रेण मेधावी रुद्राक्षन्धारयेन्मुदा |
रुद्राक्षधारणं साक्षात् शिवज्ञानस्य साधनम् || ३-२० ||

सर्वाश्रमाणां वर्णानां रुद्राक्षाणाञ्च धारणम् |

प्. १९) कर्तव्यं मन्त्रतः प्रोक्तं द्विजानान्नान्यवर्णिनाम् || ३-२१ ||

रुद्राक्षधारणे लज्जा येषामस्ति महामुने |
तेषान्नास्ति विनिर्मोक्षः संसाराज्जन्मकोटिभिः || ३-२२ ||

रुद्राक्षधारिणं दृष्ट्वा परिवादं करोति यः |
उत्पत्तौ तस्य सांकर्यमस्त्येवेति विनिश्चयः || ३-२३ ||

अमन्त्रकं वा मन्त्रेण सहितं भाववर्जितम् |
यो वा कोवा नरो नित्यं धारयेल्लज्जया विना || ३-२४ ||

सर्वपापविनिर्मुक्तः सम्यक् ज्ञानमवाप्नुयात् |
अहो रुद्राक्षमाहात्म्यं मया वक्तुं न शक्यते || ३-२५ ||

तस्मात्त्वं सर्वयत्नेन कुरु रुद्राक्षधारणम् |
तस्मात्सर्वैस्सदा कार्यं रुद्राक्षाणाञ्च धारणम् || ३-२६ ||

भोगमोक्षप्रदं पुंसां मया चैतद्धृतं सदा |
रुद्राक्षधारणाच्छ्रेष्ठं न किञ्चिदिह विद्यते || ३-२७ ||

इति श्रीशिवधर्मे चतुर्थो ध्यायः ||




प्. २०)

श्रीः

अथ पञ्चमोध्यायः

ईश्वरः | त्रिपुरहर शिवादिदेवशंभो
त्रिणयन शङ्कर रुद्रशूलपाणे |
भवशरणमितीरयन्ति येऽस्मिन्
भवजलधौ न पतन्ति ते मनुष्याः || ४-१ ||

शैवे | ओं नमो नीलकण्ठाय इति पुण्याक्षराष्टकम् 
मन्त्रमाहसकृद्वा यमपातकैस्तु प्रमुच्यते || ४-२ ||

नवांबुनिधिसन्त * * न पात्रन्दृदीकृतम् |
स्वर्गारोहणनिश्रेणी महादेवेति कीर्तनम् || ४-३ ||

विमोचनं हि बन्धानामन्धानान्नधनौषधम् |
दीनानामाश्रयस्थानं महादेवेति कीर्तनम् || ४-४ ||

महादेवेति वाग्वल्ली चतुरक्षरपल्लवा |
भक्तिसिक्ताफलत्येका चतुर्वर्गफलान्यहो || ४-५ ||

महादेव महादेव महादेवेत्ययं ध्वनिः |
सुधियो मुक्तिकान्तायाः पाणिग्रहणडिण्डिमः || ४-६ ||

कोटयो ब्रह्महत्यानामगम्यागमकोटयः |
सद्यः प्रलयमायान्ति महादेवेतिकार्तनात् || ४-७ ||

प्. २१)

शिवेति मङ्गलन्नाम यस्य वाचि प्रवर्तते |
भस्मीभवन्ति तस्याशु महापातककोटयः || ४-८ ||

प्राणप्रयाणपाथेयं संसारव्याधिभेषजम् |
अनन्तदुःखशमनं शिव इत्यक्षरद्वयम् || ४-९ ||

शिव इत्येष शब्दोऽस्ति वागस्ति वशवर्तिनी |
तथापि नरके मर्त्यः पतन्तीत्यतिसाहसम् || ४-१० ||

शिवे त्रिवाचं यो नित्यं चण्डालोऽपि वदेन्मुदा |
सहतेव वदेद्वाचं सह तेन वसेत् सदा || ४-११ ||

प्रसंङ्गात् कौतुकाल्लोभात् भयादज्ञानतोऽपि वा |
हर इत्युच्चरन्मर्त्यः सर्वपापैः प्रमुच्यते || ४-२ ||

आहर प्रहरसंहरेति च व्याहरन् सकृदघैः प्रमुच्यते |
मोचयेत् प्रकृतिकामकर्मतो नामकीर्तनमुमापतेस्सदा || ४-१३ ||

आदौ नमः प्रयोक्तव्यं शिवायेत्यक्षरत्रयम् |
जिह्वायां वर्तते यस्य सफलन्तस्य जीवितम् || ४-१४ ||

किन्तस्य बहुभिर्मन्त्रैः शस्त्रैर्वा बहुविस्तरैः |
यस्योन्नमश्शिवायेति मन्त्रोयं हृदि वर्तते || ४-१५ ||

तेनाधीतं श्रुतं सर्वं तेन सर्वमनुष्ठितम् |
यस्योन्नमश्शिवायेति मन्त्राभ्यासस्थिरीकृतः || ४-१६ ||

यः प्रातः देवदेवेशं शिवलिङ्गस्वरूपिणम् |
पश्येत् सयाति सर्वस्मादधिकां गतिमुत्तमाम् || ४-१७ ||

प्. २२) मध्याह्ने च महादेवं दृष्ट्वा यज्ञफलं लभेत् |
सायाह्ने सर्वयज्ञानां फलमाप्य विमुच्यते || ४-१८ ||

न प्रदोषे हरिं पश्येत् त्रयोदश्यां विशेषतः |
यदि प्रमादात् पश्येद्वा द्वादशाब्दवृषक्षयः || ४-१९ ||

त्रयोदश्यान्तथा रात्रौ सोपहारं त्रिलोचनम् |
दृष्ट्वाश्वमेधमाप्नोति मुच्यते सर्वपातकैः || ४-२० ||

गङ्गापुष्करकेदारनैमिशादीन्यनेकशः |
तीर्थस्नानेन यत्पुण्यं शिवन्दृष्ट्वैव तल्लभेत् || ४-२१ ||

अपवित्रः पवित्रो वा सर्वावस्थां गतोऽपि वा |
यस्स्मरेत् सदा रुद्रं शुद्ध एव न संशयः || ४-२२ ||

ये वाञ्छन्ति महाभोगान् राज्यञ्च त्रिदशालयम् |
अर्चयन्तु सदा भक्त्या हरस्य चरणांबुजम् || ४-२३ ||

ब्रह्मणस्सृष्टिकर्तृत्वं विष्णोर्दानवमर्दनम् |
स्वर्गाधिपत्यमिन्द्रस्य शिवपूजाविधेः फलम् || ४-२४ ||

सौभाग्यं कान्तिमद्रूपं सत्यन्त्यागः प्रवक्तृता |
शोर्यञ्च जगति ख्यातिः शिवपूजाविधेः फलम् || ४-२५ ||

यद्द्वारे मत्तमातङ्गाः वायुवेगास्तुरंगमाः |
पूर्णेन्दुवदनानार्यः शिव * * * * फलम् || ४-२६ ||

भवनानि मनोज्ञानि विद्या ज्ञानं शिवे रतिः |
धनञ्चादृष्टपर्यन्तं शिव * * * * फलम् || ४-२७ ||

प्. २३) 

आयुरारोग्यमैश्वर्यं सत्पुत्राः सुखसंपदः |
स्वर्गापवर्गौ धर्मश्च शिव * * * * फलम् || ४-२८ ||

लिङ्गार्चनरतो नित्यं महापातकसंभवैः |
दोषैः कृतैर्नलिप्येत पद्मपत्रमिवांभसा || ४-२९ ||

मेरुमन्दरतुल्यानि पापानि सुबहून्यपि |
ईश्वरं वैद्यमासाद्य नश्यन्ते दुष्टरोगवत् || ४-३० ||

कायास्सन्ति हि सापायाः संपदः पदमापदाम् |
समागमास्सापगमाः सर्वमुत्पातभङ्गुरम् || ४-३१ ||

पुनर्जन्म पुनर्मृत्युः पुनः क्लेशपरंपरा |
अघरट्टघटन्यायो न कदाचिदनीदृशम् || ४-३२ ||

मेरुपृष्ठे प्रयागे च गङ्गासागरनैमिशे |
हिमवन्ते तपस्तप्तं तत्फलं लिङ्गपूजने || ४-३३ ||

किमत्र ग्रन्धमालाभिः संक्षेपादुपदिश्यते |
विमुक्तसर्वव्यापाराः जनाः पूजयतेश्वरम् || ४-३४ ||

किं विद्यैरखिलैश्शास्त्रैः दान यज्ञव्रतादिभिः |
शिवस्संपूज्यतान्नित्यमुपदेशोयमुत्तमम् || ४-३५ ||

अयमेव परो धर्मः पूज्यते च सदाशिवः |
एतावद्धि शिवज्ञानं एतावद्धिपरं पदम् || ४-३६ ||

ईश्वरः | भस्मविद्धि परंब्रह्मसत्यं बोधसुखाद्वयम् |
भत्सनात्सर्वपापानां पाशानाञ्च महामुने || ४-३७ ||

प्. २४) 

भयेभ्यो रक्षणाद्रक्षा भासनाद्भसितं तथा |
क्षारयत्यखिलं दोषं ततः क्षारमुदाहृतम् || ४-३८ ||

गौणन्नानाविधं विद्धि ब्रह्मन् ब्रह्मविदांवर |
अग्निहोत्राग्निजन्तद्वत् विरजाहोमजं मुने || ४-३९ ||

औपासनसमुत्पन्नं ग्रहस्थानां विधीयते |
समिदग्निसमुत्पन्नं धार्यं वै ब्रह्मचारिणाम् || ४-४० ||

शूद्राणां श्रोत्रियागारे पचनाग्निसमुद्भवम् |
अन्येषामपि सर्वेषां धार्यन्दावानलोद्भवम् || ४-४१ ||

पञ्चाक्षरेण मन्त्रेण प्रणवेन युतेन च |
ललाटे हृदये चैव दो * ये च महामुने || ४-४२ ||

त्रिपुण्ड्रं धारयेन्नित्यं ग्रहस्थश्च वनाश्रमी |
अन्येषामपि सर्वेषां विनामन्त्रेण सुव्रत || ४-४३ ||

उद्धूलनं त्रिपुण्ड्रं च कर्तव्यम् भक्तितो मुने |

इति शिवधर्मे पञ्चमोध्यायः ||




###########   END OF FILE  #######